Klubi futbollistik Drenica nga Skenderaj asesi nuk po mund të këndellet, duke pësuar humbje të një pasnjëshme. Edhe pse tifozeria e KF Drenicës “Shqiponjat e Zeza” kishin kërkuar përkrahje masovike e cila edhe nuk mungoj, ku në tribunat e stadiumit “Bajram Aliu” ishin mbi 1000 tifozë, por sërish lojtarët e Drenicës dëshpëruan.
Në ndeshjen e sotme KF Drenica kundrejt Prishtinës humbi me rezultat 0:1 në favor të kryeqytetasve, transmeton Drenica Press.
Golin e vetëm në këtë ndeshje e shënoi lojtari i Prishtinës, Dren Gashi në minutën e 90 ndërsa duke festuar për golin e shënuar Gashi u dënua nga gjytari me kartonin e kuq.
Kurse lojtarët e Drenices disa herë kërcenuan seriozisht portën e Prishtinës, por nuk arritën që të tundin rrjetën.
Me këtë humbje KF Drenica rënditet në vendin e 10 me 34 pikë të grumbulluar, duke hyrë kështu në zonën e barazhit./drenicapress/
