Klubi futbollistik Drenica nga Skenderaj nuk po kalon aspak një formë të mirë. Në ndeshjen si vendas KF Drenica ka pësuar një humbje të thellë nga KF Drita me rezultat 0:4, transmeton Drenica Press.
Që në minutën e parë KF Drenica pësoi një gol të shpejtë ishte lojtari i KF Dritës, Almedin Murati që kaloi në epërsi Dritën pas vetëm 24 sekondash lojë. Ndërkaq Taulant Haliti shënoi golin e dytë në minutën e 19 për Dritën, duke rënduar gjendjen e Drenicës edhe më shumë. Por një shancë për ta kthyer KF Drenicën në lojë e kishte Sami Geci që nuk arriti të konkretizoj me golë penaltinë në minutën e 28. Pjesa e parë përfundoj 0: 2 në të mirë të Dritës.
As pjesa e dytë nuk ishte aspak më e mirë për ekipin drenicas. Përsëri në këtë pjesë Drenica pëson dy gola në minutën e 54 nga lojtari i KF Dritës Xhevdet Shabani dhe golin e fundit për këtë sfidë e shënoj Alban Shillova. Kjo humbje e Drenicës si vendas me rezultat 0:4 në favor të Dritës ka dëshpëruar tej mase tifozët e KF Drenicës./drenicapress/
