Skenderaj investon fuqishëm në bujqësi: 68 pajisje moderne në duart e fermerëve për zhvillim dhe prodhim më të madh ( FOTO)

Komuna e Skenderajt ka shënuar edhe një hap të rëndësishëm në mbështetjen e sektorit të bujqësisë, duke realizuar sot shpërndarjen e 68 pajisjeve bujqësore për fermerët e saj,përcjellë Drenica Press.

Ky investim konkret synon të lehtësojë punën e përditshme të bujqve dhe të rrisë kapacitetet prodhuese në gjithë komunën.
Kryetari i Komunës së Skenderajt, Sami Lushtaku, theksoi përkushtimin e vazhdueshëm të institucionit komunal për fuqizimin e fermerëve dhe zhvillimin rural, duke nënvizuar se komuna do të vazhdojë të jetë pranë bujqve përmes projekteve të drejtpërdrejta dhe investimeve të qëndrueshme.
Kjo përkrahje është dëshmi e qartë se bujqësia mbetet një nga prioritetet kryesore për zhvillimin ekonomik dhe mirëqenien e qytetarëve të Skenderajt.
Urime përfituesve dhe punë të mbarë në arat e Skenderajt!