Rruga unazore “Faik Jashari” që lidh rrugët “Sala e Hamit Jashari” dhe “Fazli Grajqevci” është asfaltuar sot. Kjo rrugë është projekt i ri që po realizon Komuna e Skenderajt në qytet më qëllim të lehtësimit të qarkullimit në pjesën qendrore të qytetit.
Këtë vend punishte sot e ka vizituar Nënkryetari i Komunës së Skenderajt Fadil Nura me bashkëpunëtorë.
Me këtë rast z.Nura ka deklaruar se Komuna e Skenderajt po realizon sot një projek jetik për qytetin e Skenderajt, pasi ndërtimi i kësaj rruge do të lehtësojë komunikacion në qendër të qytetit.
Ai theksoi se rruga e asfaltuar sot dhe rruga “17 Shkurti” që pritet të asfaltohet së shpejti janë pjesë e Planit Urbanistik të Skenderajt si unazë e qytetit, e cila po merr formë.
Rruga “Faik Jashari” është rrugë e re e ndërtuar së fundmi nga Komuna e Skenderajt që kalon pranë shkollës “Shaban Jashari” dhe krijon një arterie të re të rrjetit rrugor të Skenderajt.
