Kishte mbaruar mësimin dhe po bëhej gati të dilte nga klasa, por një vajzë nga Delvina është ndeshur me mësuesin e saj, i cili ka tentuar ta puthë me forcë.
Edhe pse ka kaluar dy muaj nga denoncimi i prindërve të së miturës, me pretendimin se e kishte ngacmuar seksualisht, mësuesi është pezulluar nga detyra ditën e sotme.
Bëhet fjalë për 58-vjeçarin Neshat Tepelena, i cili është pezulluar përkohësisht, deri në përfundim të hetimit lidhur me akuzat që rëndojnë ndaj tij.
Mediat raportojnë se rreth dy muaj më parë, një nxënëse 11-vjeçare me inicialet A.H., ka qenë duke pastruar oborrin bashkë me shoqen e saj kur aty shfaqet mësuesi. Ky i fundit i kërkon vajzës që të ngjitet lart në klasë. Kur janë ngjitur sipër, mësuesi e ka puthur në faqe.
Menjëherë, vajza e traumatizuar ka shkuar në shtëpi dhe i ka rrëfyer episodin nënës së saj, ndërsa nga frika nuk pranonte të shkonte në shkollë. Ndaj, prindërit duke u bazuar tek dëshmia e vajzës, denoncuan mësuesin.
Neshat Tepelena, i martuar dhe me fëmijë është paraqitur sot në komisariatin e Delvinës dhe ka dhënë dëshminë e tij, ndërkohë që polica po heton rreth rastit në fjalë.
Ndëkohë, përgjegjësi i zyrës arsimore në Delvinë, Pëllumb Qerimi tha se nuk kishin dijeni dhe informacione rreth sjelljes së mësuesit.
