Sipas gazetarit Fabrizio Romano, klubi saudit Al Hilal është shumë i sigurt se do të marrë dritën e gjelbër nga Simone Inzaghi për ta emëruar trajnerin e tyre të ri.
Aktualisht, Inzaghi është ende nën kontratë me Interin, por pritet të zhvillojë një takim vendimtar me klubin italian të martën, ku do të marrë vendimin përfundimtar për të ardhmen e tij. Pavarësisht kësaj, Al Hilal mbetet optimist dhe është në pritje të konfirmimit përfundimtar.
Paralelisht me përpjekjet për ta bindur Inzaghin, Al Hilal ka nisur planet për të përforcuar skuadrën me të paktën tre lojtarë të nivelit të lartë, duke synuar ta forcojë ekipin në prag të sezonit të ri në Saudi Pro League.
Nëse marrëveshja realizohet, kalimi i Inzaghit te Al Hilal do të përbënte një tjetër lëvizje të madhe në drejtimin e klubeve saudite për të afruar emra të njohur nga futbolli evropian.