Janë sjellë para Gjykatës Themelore në Prishtinë zyrtarët policorë që u arrestuan dje nën dyshimet për veprat penale “marrje ryshfeti” dhe “keqpërdorim i pozitës zyrtare”.
Operacioni “Pika” i Inspektoratit Policor të Kosovës në koordinim me Prokurorinë Speciale që u zhvillua dje në pikat kufitare Qafë Morinë dhe Qafë Prush, rezultoi me arrestimin e 50 zyrtarëve shtetërorë, nën dyshimin se kanë kryer veprën penale “marrje ryshfeti” dhe “keqpërdorim i pozitës zyrtare”.
Kryeshefi i Inspektoratit të Policisë së Kosovës, Kushtrim Hodaj, tha se të arrestuarit dyshohet se kanë marrë pjesë në qindra aktivitete të marrjes së ryshfetit në pikat kufitare të Qafë Prushit dhe Qafë Morinës, që lidhin Kosovën dhe Shqipërinë.
Në mesin e të arrestuarve, janë dy togerë policorë, pesë rreshterë dhe dy zyrtarë doganorë.
