Ka ndërruar jetë Enver Petrovci, ikona kosovare e botës së artit.
Kështu është bërë e dit nga familjarët e tij pak më parë, ku u tha se kjo është dhimbje e madhe për familjen dhe artin, transmeton lajmi.net.
“Me dhimbje dhe pikëllim të madh njoftojmë ndarjen nga jeta të aktorit tonë të dashur, Enver Petrovci. Kjo është një humbje e madhe për familjen tonë dhe për mbarë artin shqiptar. Ai do të kujtohet gjithmonë për shpirtin e tij fisnik dhe veprën e jashtëzakonshme që la pas”, thuhet në publikim.
Enver Petrovci i njohur si aktor, shkrimtar dhe regjisor kosovar kishte krijuar vepra të ndryshme të cilat padyshim do të mbahen mend gjatë.
Petrovci viteve të fundit kishte pasur disa probleme shëndetësore.
Enver Petrovci njihet si ikona e filmit dhe teatrit kosovar për shumë vite. Petrovci vdiq në moshën 71 vjeçare./Lajmi.net/
