Aksidentet dhe me pas faljet e gjakut nuk kanë të ndalur në Kosovë. Kështu ka ndodhur edhe me aksidentin mes një veture dhe një motoçiklete, që kishte ndodhur mbrëmjen e së martës së dy prillit në fshatin Dobresh të Vitisë, ku si pasojë e kësaj një person ka humbur jetën, transmeton Gazeta Metro.
Familja Misini i ka shtrirë dorën e pajtimit familjes Bajrami nga Smira e Vitisë, duke falur gjakun e djalit të tyre.
“Sonte në xhaminë e fshatit Drobesh, familja Misini i ka shtrirë dorën e pajtimit familjes Bajrami nga Smira e Vitisë, duke falur gjakun e djalit të tyre. Një anëtar i kësaj të fundit, në natën e 2 prillit të këtij viti, duke lëvizur në relacionin Smirë-Viti, me të arritur te rruga e fshatit Drobesh afër vendkalimit të këmbësorëve godet motoçikletën që po e drejtonte 19-vjeçari, goditje kjo që për të riun ishe fatale”, thuhet në njoftimin që është bërë.
