Përfaqësues të shoqatave të dala nga lufta e UÇK-së në Komunën e Obiliqit janë duke u përplasur ndërmjet vete se kush kë e përfaqëson. Pas mospajtimeve të mëhershme për çështjen e emërtimit të sheshit të qytetit “Adem Preniqi” në festën e 28 Nëntorit, tash shkak është bërë shënimi i 11-vjetorit të Pavarësisë së Kosovës në këtë komunë.
Organizata e Veteranëve të UÇK-së-Dega në Obiliq ka reaguar pas publikimit të programit festiv nga organet komunale. Në këtë reagim të nënshkruar nga kryetari i OVL-së, Fehmi Mjeku, thuhet se shprehin pakënaqësinë me pikën dy të programit ku ishte paraparë fjala përshëndetëse për përfaqësuesin e shoqatave të dala nga lufta (SHDL), shkruan sot Koha Ditore.
“Në mbledhjen e mbajtur më 14.2.2019 u diskutua për ftesën e Komunës për programin e manifestimit të 11-vjetorit të Pavarësisë së Kosovës dhe Kryesia shpreh pakënaqësinë për pikën e dytë të programit në të cilën thuhet: ‘Fjala përshëndetëse nga përfaqësuesi i SHDL-së’
