Një aksident i rëndë ka ndodhur sot në orët e para të mëngjesit.
Ngjarja ka ndodhur në afërsi të fshatit Luz në rrugën Fushë Krujë-Milot.
Mësohet se një automjet tip “Golf 4” më të cilin udhëtonin 4 persona dhe një tjetër automjet tip “Ford Monteo” me portobagazh i cili drejtohej nga një djalë, janë përplasur.
4 persona kanë mbetur të plagosur, 2 prej të cilëve sipas dëshmitarëve, janë në gjendje të rëndë shëndetësore.
Të plagosurit janë të moshave të reja 25-30 vjeç dhe sipas dëshmitarëve, shoferin e “Fordi-t” e ka zënë gjumi në timon dhe ky ka qenë shkaku i përplasjes së dy automjeteve, shkruan JOQ.
Ambulanca transportoi për në spital dy personat që ndodheshin në gjendje të rëndë shëndetësore, ndërsa djali u transportua me një makinë të rastit pas 20 minutash.
I riu kishte të çara pas koke dhe u dërgua për kurim në spital, ndërkohë që gjendja shëndetësore e tij nuk është bërë e ditur.
Sipas dëshmitarëve njëri prej djemve kishte mbetur në makinë dhe u nxor nga personat që iu gjendën në ndihmë. Shoferi i “Fordi-t”nuk ka mbetur i plagosur rëndë, por djemtë që udhëtonin me “Golf 4” kanë marrë lëndime serioze. Policia gjendet në vendngjarje për sqarimin e rrethanave të aksidentit.
