Ka filluar gara e “Kuizit të Diturisë” e ciala mbahet për secilin vit nga nxënësit e shkollave fillore, përkatësisht nga nxënësit e klasës së VI deri të IX. Në këtë kuiz të fazës së dytë, pas përzgjedhjes së shkollave nga tre nxënësit me të mirë, ka marrë pjesë edhe kryetari i Komunës, Ramiz Lladrovci dhe drejtori i posaemëruar i arsimit, Tafil Halilaj.
Me këtë rast, kryetari Lladrovci ka uruar të gjithë nxënësit ne garën e diturisë, duke motivuar ata që e nesermja është në duart e tyre, nëse arrijnë të jenë të dalluar dhe pjesmarrës në gara që zhvillohën për dituri.
Kuizi i Diturisë në fazën e parë është mbajtur ne nivel shkolle, pra ne të gjitha shkollat fillore të mesme të ulëta, ne 29 shkolla, me nxënësit e klasave të VI deri në të IX, pastaj të enjtën është zhvilluar faza e dytë në nivel komunal, ku secila shkollë ka prezentuar me 3 nxënësit të cilët kanë treguar sukseset me të mëdha në fazën e parë ne nivel shkolle.
Kuizi i Diturisë është mbajtur ne lendët e testit të arritshmërisë; gjuhës shqipe, angleze, histori, gjeografi, matematikë, informatikë, fizikë, kimi dhe biologji. Rezultatet e testit do të përpunohen nga komisioni komunal i Drejtorisë Komunale të Arsimit dhe nga përfaqësuesi i secilës shkollë dhe do të dalin gjatë këtij muaji, ku do të përgjidhen tri vendet e para ne këtë garë tanimë tradicionale të diturisë.
