Shkolla e mesme profesionale “Qendra e Kompetencës” në Skenderaj po përjeton një rritje të vlerës së saj. Përveç që diplomat e saj po njihen ndërkombëtarisht. Kjo shkollë do të ndërtoj edhe konvikt për nxënësit e saj, ku nxënësit do të kenë mundësi banimi e sidomos për nxënësit e shumtë që vijnë nga qytetet e tjera të Kosovës, shkruan Drenica Press.
Lajmi për fillimin e procedurave të ndërtimit të konviktit e ka bërë kryetari i Skenderajt, Fadil Nura, pas një takimi me përfaqësuesit e GIZ- it dhe drejtorin e shkollës Armend Bajraktari. Kryetari Nura tha se:” Konvikti për nxënësit e Qendrës së Kompetencës në Skenderaj do të bëhet realitet së shpejti. Në takim me përfaqësues të GIZ-it biseduam për krijimin e një partneriteti që do të ju ofrojë nxënësve të QKS mundësi banimi, sidomos për nxënësit që udhëtojnë nga vendet me të largëta. Me konviktin e ri, Skenderaj do të bëhet një qytet edhe më atraktiv për të rinjët!/DRENICA PRESS/
