Shaban Polluzha, njëri ndër komandantët më të njohur të zonës së Drenicës gjatë Luftës së Dytë Botërore, si duket është harruar shpejt nga vendi i tij.
Para pak ditësh, me datën 21 shkurt u shënua 71 vjetori i vrasjes së Polluzhës, bashkë me Mehmet Gradicën në kullat e Dvoranëve në Tërstenik.
Ndonëse dha shumë për lirinë e Kosovës, varri i tij është në një gjendje të mjerueshme shkruan GazetaBlic.
Gjendjen e varrit të Polluzhës e ka publikuar në rrjetin social facebook, profesori universitar Blerim Latifi.
Në foto shihet se gjithçka rreth varrit të Shaban Pollushës është shkatërruar, dhe stoik po qëndron vetëm guri i varrit.
Shaban Polluzha në vitin 2009 është dekoruar me medaljen “Heroi i Kosovës” nga ish-presidenti Fatmir Sejdiu.
- Advertisement -
