Dëmet nga reshjet e shiut janë të mëdha si në qytetin e Suharekës e po ashtu edhe në fshatra.
Gjatë natës së mbrëmshme është lënduar Vehbi Krasniqi, shef i njësisë së zjarrëfikësve në Suharekë.
Kryetari i Komunës së Suharekës, Bali Muharremaj, situatën nga vërshimet e mbrëmshme e konsideron alarmante.
“Mbrëmë kemi pasur situatë alarmante, janë dëmtuar nga uji: rrugë, shtëpi banimi, institucione, kudo në terrenin e Komunës së Suharekës, të cilat rezultojnë me dëmë të mëdha materiale. Falënderoj Njësinë ë Zjarrëfikësve nga Malisheva për ndihmën, qytetarët, Policinë e Suharekës dhe institucionet tjera”, ka thënë ai.
Kryetari Muharremaj, ka njoftuar se ekipet e institucioneve komunale, nga Drejtoria e Shërbimeve Publike, janë në terren dhe do të intervernojnë aty ku ka nevojë.
Merret vesh se në ora 12:00 do të krijohet shtabi emergjent, teksa në 12:45 do të ketë konferencë për media nga kryetari i komunës.
