Të paktën tre persona u nxorën të gjallë nga rrënojat e një ndërtese shumëkatëshe banimi që u shemb të dielën në qytetin Tripoli, në veri të Libanit, sipas mediave shtetërore.
Ekipet e shpëtimit vijonin kërkimet në rrënoja, ndërsa ende nuk ka një pasqyrë zyrtare për numrin e viktimave.
Ndërtesa ndodhej në lagjen Bab Tabbaneh, një nga zonat më të varfra të qytetit të dytë më të madh të Libanit.
Banorët e kësaj zone prej vitesh denoncojnë neglizhencë shtetërore dhe mungesa të theksuara në infrastrukturë. /Panorama
