SHBA pezullon importin e avokadove nga Meksika, vendimi lidhet me shqetësimet për sigurinë

Shtetet e Bashkuara kanë pezulluar importin e avokadove nga Meksika, prodhuesi më i madh në botë, duke përmendur shqetësime për sigurinë, njoftuan shoqata e prodhuesve dhe autoritetet e shtetit Michoacán.

“Nuk është lejuar asnjë dërgesë frutash për eksport,” tha Shoqata e Prodhuesve dhe Eksportuesve Meksikanë të Avokados në një deklaratë.

Sipas qeverisë së shtetit Michoacán, eksportuesi më i madh i avokadove drejt Shteteve të Bashkuara, pezullimi i dërgesave është një “masë paraprake” e marrë pas arrestimit të drejtuesve të grupeve të krimit të organizuar në këtë shtet.