Sot ishte një ditë e kobshme për Skenderajn, vetëm brenda një dite dy vetëvrasje që tronditën banorët e këtij qyteti, shkruan Drenica Press. Pas vetëvrasjes në Prekaz në paraditën e sotme, pasdite sërish ka ndodhur një vetëvrasje poashtu qytetar i Skenderajt. Bëhet fjalë për të riun P. Mulaj nga fshati Runik i Skenderajt. Nga burimet thuhet se një person rreth orës 15:40 është gjetur në veturë pa shenja jete në fshatit Rakosh të komunës së Istogut. Viktima është P.Mulaj, nga fshati Runik i Skenderajit.
Të njëjtat burime kanë bërë të ditur se dyshimet e para janë që Mulaj të ketë kryer vetvrasje.
Rastin për IndeksOnline është konfirmuar nga zëdhëndës polici për rajonin e Pejës, Fadil Gashi, ku njoftoi se policia ka nisur hetimet për rastin.
“Sot rreth orës 15:40 Policia e komunës së Istogut ka pranuar informacion se se në drejtim të fshatit Çerkolez, një person gjendej pa shenja jete brenda një automjeti.
Në vendin e ngjarjes kanë dalë patrulla policore dhe autoambulanca, ku mjeku ka konstatuar se viktima është pa shenja jete. Në ndërkohë është njoftuar edhe prokuroria ku ka dalur në vendin e ngjarjes dhe po meret me rastin”, ka thënë Gashi./IndeksOnline/
