Çështja e Kosovës ka ngritur në këmbë institucionet në Serbi, ku më 27 maj Kuvendi serb do të mbaj një seancë të jashtëzakonshme plenare.
Kryetarja e Kuvendit të Serbisë, Maja Gojkoviq ka njoftuar se ka thirrur një seancë të jashtëzakonshme në lidhje me një debat në raport mbi Kosovën, shkruajnë mediat serbe, transmeton Indeksonline.
Ajo bëri të ditur se sot do të thërras edhe presidentin e Serbisë, Aleksandër Vuçiq për të marrë pjesë në këtë seancë derisa ky i fundit e konfirmoi pjesëmarrjen në një seancë të tillë.
E para e kuvendit për të qenë të pranishëm në seancë ka dërguar ftesë edhe për kryeministren serbe, Ana Brnabiq dhe drejtorin e Zyrës për Kosovë, Marko Gjuriq.
“Presim që pas raportit të presidentit, debati do të hapet dhe se të gjithë deputetët e Asamblesë Kombëtare do të marrin pjesë në të, sepse kjo është një temë shumë e rëndësishme”, tha Gojkoviq. /Indeksonline/
