Sekretari i Bashkësisë Islame të Kosovës, Ahmet Sadriu ka thënë se është duke u politizuar me çështjen e ndërtimit të Xhamisë së Madhe në Prishtinë.
Sadriu shtoi xhamia në Prishtinë është donacion i besimtarëve myslimanë në Turqi.
”Nuk është donacion i Qeverisë turke, ta keni të qartë. Ky është donacion i besimtarëve të Turqisë, të cilët për një tubim i kanë tubuar 50 milionë Euro. Siç kemi tubu ne për Shqipërinë ne për termet”, ka thënë ai në Klan Kosova.
”Është një projekt që po financohet nga qytetarët besimtarë”. Mos e politizoni. Është donacion i pastërt i besimtarëve islamë të Turqisë”.
Ai u shpreh se po manipulohet me Presidentin turk, Rexhep Taip Erdogan pasi i njëjti hapi xhami edhe në Amerikë e Gjermani.
”Po manipulohet me Erdoganin”.
”Është thënë se kjo është dorë e zgjatur e Erdoganit – nëse kjo është dorë e zgjatur e Erdoganit, atëherë Erdogani i bëri një hapje të madhe të Xhamisë në Amerikë, vitin e kaluar bëri hapje edhe në Gjermani”.
