Sot ka ndërruar jetë në moshën 74 vjeçare rrobaqepësi më i vjetër në Skenderaj, Halil Rushiti, i cili gëzonte një respekt të madh nga klientet për shkak të profesionalizmit të tij dhe sjellës së edukuar. Ku zejen e rrobaqepësit e kishte filluar nga vitet e 70 deri në vdekje, shkruan Drenica Press.
Me rastin e vdekjes së rrobaqepësit Halil Rushiti, ka reaguar edhe kryetari i PDK-së në Skenderaj, Sami Lushtaku, ku tha se: “Halili ishte patriot e burrë me zemër të madhe. Gjatë luftës ai ka qepur uniforma për UÇK-në kurse shtëpia e tij ka qenë e hapur si strehë për shumë familje. Një djalë i tij ka rënë martir për lirinë e Kosovës.
Paska ndërruar jetë Halil Rushiti, rrobaqepës i njohur e zejtar i vyer në Skenderaj. Halili është i njohur për këtë aktivitet zejtar që nga vitet e 70-ta të shekullit XX-të. Për gjeneratën tonë pak me të vjetër, ai ishte pikë reference për veshmbathje.
Halili ishte patriot e burrë me zemër të madhe. Gjatë luftës ai ka qepur uniforma për UÇK-në kurse shtëpia e tij ka qenë e hapur si strehë për shumë familje. Një djalë i tij ka rënë martir për lirinë e Kosovës.
Ngushëllimet më të thella familjes Rushiti, miqve e dashamirëve të tij.
U prehtë në paqe!/DRENICA PRESS/
SL
