Rusi Kirsan Ilyumzhinov ka shpallur kandidaturën e tij për të qenë edhe për një mandat në krye të Federatës Botërore të Shahut (FIDE).
Presidenti aktual i FIDE-s, Ilyumzhinov, ka prezantuar edhe ekipin e tij me të cilin pretendon ta udhëheqë edhe për një mandat FIDE-n, shkruan Koha Ditore.
Pjesë të ekipit të tij e ka paraqitur edhe ministrin e Punëve të Jashtme të Kosovës (MPJ), Behgjet Pacollin. E në rast se fiton zgjedhjet, Ilyumzhinov e ka paraparë si zëvendës të tij ish-presidentin e Kosovës, Behgjet Pacollin.
Vetë ministri Pacolli ka konfirmuar të hënën për gazetën se ka marrë ofertë për t’u përfshirë në udhëheqjen e presidentit aktual të FIDE-s, Ilyumzhinov.
- Advertisement -
