Një valë e re e përhapjes së koronavirusit duket se ka përfshirë shumë vende në mbarë botën, ku në 24 orët e fundit u shënuan gati 100 mijë infektime më shumë krahasuar me një ditë më parë.
Në Europë, Britania e Madhe po përjeton situatën më të vështirë pasi infektimet u rritën sërish, duke kapur shifrën e mbi 46 mijë rasteve. Shqetësuese në ishull mbeten edhe fatalitetet, ku së fundmi kanë mbërritur në afro 100 raste.
Një rritje me 7 mijë raste më shumë se një ditë më parë ka shënuar edhe Spanja, e cila në total raportoi për 27 mijë infektime.
Në kontinentin evropian, Rusia mban vendin e tretë për rastet e reja, teksa autoritetet atje bën të ditur se janë identifikuar 23 mijë infektime dhe afro 800 viktima.
Rritje rastet kanë patur edhe në Itali, e cila shënoi më shumë se 3 mijë infektime të reja, nga 2 mijë që raportoi një ditë më parë.
Përtej oqeanit, Shtetet e Bashkuara të Amerikës kanë shënuar gjithashtu një përkeqësim të ndjeshëm të situatës, teksa raportuan për 44 mijë infektime të reja nga 32 mijë që kishin identifikuar 24 orë më parë.
