Një incident i dhunshëm ka ndodhur mbrëmjen e së martës në rrugën “Xhorxh Bush” në Prishtinë, ku një person ka mbetur i lënduar si pasojë e përdorimit të një mjeti të mprehtë gjatë një përleshjeje mes dy grupeve.
Zëdhënësi i Policisë për Rajonin e Prishtinës, Enis Pllana, ka konfirmuar për Lajmi.net se rreth orës 20:30 është pranuar një informacion për një person të lënduar.
“Viktima dyshohet të jetë goditur me një mjet të mprehtë dhe është dërguar për trajtim mjekësor”, tha Pllana.
Raporti i plotë:
Rreth orës 20:30, kemi pranuar informatën për një person të lënduar, në rrugën Xhorxh Bush në Prishtinë. Viktima dyshohet të jetë lënduar nga një mjet i mprehtë dhe i njëjti është dërguar për trajtimin e nevojshëm mjekësor. Aktualisht po vijon puna hetimore, për sqarimin e plotë të rrethanave që karakterizojnë ngjarjen./lajmi.net/
