Ronaldinho i tregon arsyet se përse iu kthye futbollit në moshën 46-vjeçare

Ronaldinho është me të vërtetë një lojtar i ri i Ravennas. Ka nga ata që thonë se nuk bëhet fjalë për një marifet publicitar, por gjithçka të çon pikërisht në këtë përfundim.

Objektivi është ta shënojë një gol – i cili nuk do të ishte një shifër e rrumbullakët – vetëm për t’ia dhënë futbollit profesionist italian një rekord të ri, shkruan “Gazzetta dello Sport”, përcjell “Gazeta Express”.

Braziliani regjistrohet si lojtar në moshën 46-vjeçare, në një moment kur është e qartë se nuk mund t’i përballojë më ritmet e futbollit profesionist.

A kemi kaluar tashmë në futbollin e influencerëve? Është e qartë se Ronnie është një futbollist i madh, por që në vitin 2012 nuk ishte më në nivelin që e kërkonte Serie A.

Kjo i ngjan shumë një operacioni marketingu, ndoshta jo të kushtueshëm nga ana ekonomike, por paksa i tillë nga pikëpamja teknike. Një bast që, ndoshta, është fituar që tani.

“Kam thënë po për Ravennan për të gjithë miqtë që janë këtu dhe që e kanë bërë një projekt të mrekullueshëm. Shpresoj që gjërat të shkojnë mirë. Jam shumë i lumtur që jam këtu dhe pres shumë gjëra të mira. Shpresoj të jap shumë nga vetja ime, edhe për t’ju shpërblyer për praninë tuaj sot. Jam këtu për t’i ndihmuar bashkëlojtarët për të fituar nëse është e mundshme. Ju falënderoj nga zemra që jeni këtu”, tha ish-përfaqësuesi brazilian.