Ministrja e Ekonomisë, Artane Rizvanolli ka njoftuar se sot në mbledhjen e Qeverisë kanë miratuar nismën për negocim të Programit Kompakt në bashkëpunim me Korporatën e Sfidave të Mijëvjeçarit (MCC).
Rizvanolli tregon që programi Kompakt ka vlerë prej 234 milionë dollarësh.
“Në mbledhjen e Qeverisë së Republikës së Kosovës kemi miratuar nismën për negocim të Programit Kompakt në bashkëpunim me Korporatën e Sfidave të Mijëvjeçarit (MCC).
Programi Kompakt ka vlerë prej 234 milionë dollarësh dhe do të përfshijë:
1. Rezerva dhe arbitrazh të energjisë (bateritë me kapacitet të lartë mbi 200MWh)
2. Zhvillimin e fuqisë punëtore dhe përfshirjen e grave në sektor të energjisë.
Ky program adreson furnizimin e qëndrueshëm me energji elektrike, modernizimin e kapaciteteve tona, edukimin e fuqisë punëtore në teknologji, si dhe lehtëson tranzicionin e gjelbërt energjetik të Republikës së Kosovës duke siguruar pavarësinë tonë energjetike”, ka shkruar ministrja./Indeksonline/