Një rast i pazakontë ka ndodhur sot në Superligën e Kosovës, më saktësisht në ndeshjen e xhiros së 11’të mes Vushtrrisë dhe Feronikelit.
Në stadiumin ‘Ferki Aliu’, sulmuesit e Feronikelit, Kastriot Rexha dhe Da Silva kishin një incident të vogël në minutën e 42’të të ballafaqimit.
Video Player
00:00
00:06
“Jo nuk është kurgjo ajo, ndoshta ka ndodhur nga ngarkesa për fitore – pozita në të cilën jemi në tabelë edhe presioni të cilën kemi pas mbas këtyre tre ndeshjeve pa fitore e ka bë te vetën. Mirëpo këto janë gjëra që ndodhin edhe në ligat më të forta të botës, andaj e rëndësishme është fitorja dhe debatet e këto janë gjëra që ndodhin”, tha fillimisht Kastriot Rexha.
Më pas ‘bomberi’ i Superligës tha se ka folur me bashkëlojtarin, Da Silva pas ndeshjes dhe gjithçka iu është kthyer normalitetit.
“Po, kemi diskutuar pas ndeshjes dhe e kemi qartësuar situatën dhe gjithçka iu është kthyer normales”, përfundoi Rexha.
Vlen të theksohet se kampioni në fuqi i Superligës, Feronikeli ndodhet në pozitën e pestë në tabelë pas 11 xhirove të zhvilluara deri më tani.
- Advertisement -
