Reshjet e borës, ja kush po e pastron rrugën që dërgon tek Kulla e Zhlepit
Marrëveshja për Shënjimin e Kufirit mes Kosovës dhe Malit të Zi, e arritur në vitin 2015, Kulla e Zlepit mbetet jashtë territorit të Kosovës. Ajo marrëveshje është ratifikuar nga Kuvendi i Malit të Zi. Të njëjtën marrëveshje, me mundësi korrigjimi, e ka ratifikuar mbrëmë edhe Kuvendi i Kosovës.
Ndonëse territor i kontestuar, praktikisht duket se Kosova e menaxhon atë pjesë. Të paktën kështu kanë vepruar kopmanitë që merren me pastrimin e rrugës që çon në atë pjesë, raporton Insajderi.
Të reshurat e pandërprera të borës, kanë angazhuar kompanitë e pastrimit të rrugëve që të punojnë në mënyrë që rrugët të jenë të kalueshme.
Këto kompani gjatë gjithë mbrëmjes kanë pastruar edhe rrugën që dërgon tek Kulla e Zhlepit. Lajmin për Insajderin e ka konfirmuar zëvendësministri i Infrastrukturës, Rexhep Kadriu.
“Kompanitë e kanë pastruar edhe atë rrugë dhe është e kalueshme për qytetarët, ashtu siç është pastruar për 17 vite”, ka thënë Kadriu për Insajderin.
Lexo edheRrëshqet vetura, thyen murin dhe futet në oborr (Foto)
Ai po ashtu ka thënë se të gjitha rrugët e tjera të Kosovës janë të kalueshme dhe nuk është raportuar për probleme.
“Gjatë gjithë natës kujdestaria e kompanive në Kosovë duke përfshirë edhe autostradës kanë punuar në pastrimin e borës, hedhjen e kripës dhe për momentin të gjitha rrugët në Republikën e Kosovës i kemi të kalueshme. Nuk kemi ndonjë informacion nga menaxherët se është e blloku ndonjë rrugë”, ka thënë Kadriu.
Vetë kryeministri i Kosovës, Ramush Haradinaj thoshte se Kosova po e humb këtë Kullën e Zhlepit me marrëveshjen e viti 2015 të raportit të Murat Mehës. Të njëjtën ka vazhduar ta mbrojë përsëri, por duke kërkuar ratifikimin e kësaj marrëveshjeje dhe më pas korrigjimin e saj./Insajderi.com








