Një azilkërkues dhe gazetar i cili po mbahet si i burgosur për vite me radhë në një ishull të Australisë, ka fituar çmimin më të lartë letrarë.
Behrouz Boochani ka shkruar librin e titulluar ‘Pa Shokë Përveç Maleve’ (No Friend But the Mountains), duke përdorur aplikacionin WhatsApp brenda burgut.
Ai ka fituar ‘Çmimin Victorian për Letërsi 2019’, me vlerë prej 87 mijë eurosh, shkruan BBC, transmeton Klan Kosova.
I burgosuri Boochani, mbahet brenda një ishulli të quajtur Manus Island dhe nuk i lejohet hyrja në Australi.
Kujtojmë se Australia ushtron një politikë të rreptë për çdo azilkërkues që i afrohet kontinentit me anije, duke u zotuar se ata kurrë nuk do të zhvendosen në Australi edhe nëse kanë arsye për të kërkuar azil.
- Advertisement -
