Ka reaguar Shtabi zgjedhor i PDK-së në Skenderaj, ku sipas tyre “Vetëvendosje, përmes komisionerëve të saj po tenton ta dëmtojë procesin zgjedhor në Skenderaj
Shtabi Zgjedhor i degës së PDK-së në Skenderaj, në orët e fundit ka vërejtur tendencën e komisionerëve të Lëvizjes Vetëvendosje për ta njollosur dhe pë ta dëmtuar procesin zgjedhor në Skenderaj.
Komisionetër dhe vëzhgesit e këtij subjekti duke parë rrjedhën demokratike të procesit zgjedhor dhe fitoren e madhe të PDK-së që po ndodh në Skenderaj, po tentojnë me përpjekje dëshpëruese të bllokojnë vendvotimet në Qendrën e Votimit në Vajnikë.
PDK në Skenderaj siguron se nuk do të lejohet që askush të bllokojë, të njollosë ose ta manipulojë rrjedhen e procesit zgjedhor dhe vullnetin e qytetarëve të Skenderajt”.
Dega e PDK-së në Skenderaj e informon publikun se procesi i votimit në Skenderaj po shkon shumë mirë dhe nuk është evidentuar asnjë problem në 35 Qendrat e Votimit. Dalja e qytetarëve të Skenderajt është e kënaqëshme. Në disa Qendrave të Votimit dalja deri në ora 14:00 ka arritur në mbi 35 %. /Drenica Press/
