Ish-kryeparlamentari, Jakup Krasniqi, ka reguar për aktvendimin egjyaktës që lë në burg Sylejman Selimin dhe disa të tjerë.
Në një postim në Facebook, Krasniqi ka thënë se drejtësia në Kosovës është vënë në qorrsokak!
Postimi i Krasniqit:
Duke qenë i bindur në pastërtinë e Luftës Çlirimtare, them me bindje se:
DREJTËSIA NË KOSOVË ËSHTË VËRË NE QORRSOKAK!
Është e dhimbshme, kur “Drejtësia” është e dirigjuar nga politika e inkriminuar dhe eliminuese, e cila ka kryeqëllim, dënimin e gjithsecilit qytetarë të vendit e veçmas te luftëtarëve të lirisë, vetëm jo te inkriminuarve në krim e korrupsion që hapëroj pandalshëm pas Luftës Çlirimtare në Qeveri, Prokurori e Gjyqësi etj. Kur te inkriminuarit instalohen ne institucionet e larta të shtetit, qytetarët bien viktima të pa ligjësisë institucionale!
Me të drejtë besuam e shpresuam që e krijuam shtetin e lirë, për të vendosur drejtësinë dhe për t’i dhënë fund padrejtësisë që kishte sunduar për shekuj në këto troje.
Konfirmimi i dënimeve për rastin Drenica 1 e 2, është goditje e rëndë për idenë e lirisë, të çlirimit dhe te Drejtësinë.
Drejtësi po, për të goditur çdo veprimtari kriminale te pas luftës, çdo formë të korrupsionit apo forma tjetra të trafikimit, por jo dënimin e çlirimtarëve me dëshmi të rrejshme e dëshmitarë te yshtur nga politika antikombëtare e anti çlirimtare!
Është koha e fundit për t’i thënë stop çdo forme te ndjekjes kriminale ndaj çlirimtarëve! Ndjekje që nuk pushuan tash e 17 vjet në Kosovë e jashtë sajë !
