Kryetari i Komunës së Drenasit, Ramiz Lladrovci, ka uruar të gjithë fëmijët në Ditën Ndërkombëtare të Fëmijëve 1 Qershori, duke theksuar rëndësinë e përkushtimit ndaj brezit më të dashur të shoqërisë.
Në mesazhin e tij, Lladrovci shprehu urimet më të përzemërta për rritje të mbarë, suksese në jetë dhe përmbushje të ëndrrave të fëmijëve në çerdhe, shkolla e çdo fushë të jetës. Ai nënvizoi rëndësinë e krijimit të kushteve të përshtatshme për fëmijët, përfshirë çerdhet, shkollat, këndet e lojërave dhe terrenet sportive.
“Fëmijë të dashur, ju uroj rritë të mbarë, të mbushur me suksese, plotësim të dëshirave tuaja… në çerdhe dhe në shkollë të shkëlqeni me mësime dhe në çdo fushë të jetës,” thuhet në urimin e tij.
Lladrovci e mbylli mesazhin e tij me një urim të ngrohtë:
“Fëmijë të dashur, gëzuar 1 Qershori!”
Ky mesazh i kryetarit vjen si kujtesë për përgjegjësinë që shoqëria ka ndaj mirëqenies dhe të ardhmes së fëmijëve.
