Takimi ishte një ndër më përmbajtjesorët elektorale me një numër të madh përkrahësish. Me këtë rast, Lladrovci theksoi se ky është një ndër takimet më përmbajtjesore, ku ka shpjeguar para tyre punën disamujore si dhe platformën katërvjeçare zhvillimore për komunën e Drenasit. “Jam zotuar se gjithë përfshirja do të jetë një nga parimet e mia. Të gjithë do të gëzojnë të mirat e pushtetit qendror e lokal, anash nuk do të mbetet asnjë pjesë e komunës. Jam zotuar se do të punoj me ndershmëri, ligj dhe transparencë. Për tri vjet, çështja infrastrukturore do të hiqet nga rendi i ditës, për secilën lagje dhe fshat të komunës së Drenasit. Qytetari ka besim në fjalën time, sepse, ato i bëj vepra. Qytetari e di se jam zbatues i pakompromis i ligjit. Unë jam zotuar se kam qenë, jam dhe mbes besnik i interesit të qytetarëve. Unë punoj. Me Forcën e Ndryshimit, Drenasi do të jetë qytet i punës, rregullit, cilësisë më të mirë të jetës se deri sot”, ka thënë Lladrovci
Kryetari Lladrovci gjatë mbrëmjes së ënjte ka mbajtur takim edhe në fshatin Abri të Komunës së Drenasit dhe me pjesëtarët e Shoqatave të dala nga lufta, veteranë e invalid të UÇK-së. “Forca e Ndryshimit ka hy dhe ka përfshi çdo strukturë shoqërore të Drenasit. Ne kësaj here, qytetarëve tanë u dalim ballëhapur, sepse jemi gati të bëjmë të pamundurën që qytetari ta ketë jetën më të mirë, me kushte dhe mundësi të barabarta. Arsim, shëndetësi, bujqësi, infrastrukturë, punësimin e të rinjve dhe shumë çështje jetike për qytetarët”, ka thënë kryetari Lladrovci para banorëve të fshatit Abri dhe pjesëtarëve të shoqatave të dala nga lufta.
