Kryeministri i Shqipërisë, Edi Rama, po merr pjesë në edicionin e 9-të të Future Investment Initiative (FII) në Riad, forum global për investime që mbledh liderë politikë, investitorë dhe inovatorë nga e gjithë bota.
Gjatë vizitës, Rama u prit në Pallatin Mbretëror nga Princi i Kurorës dhe Kryeministri i Arabisë Saudite, Mohammed bin Salman Al Saud. Në takim u diskutua për thellimin e bashkëpunimit mes dy vendeve dhe për vizitën e ardhshme të princit Al Saud në Shqipëri vitin e ardhshëm.
“Riad – Në Pallatin Mbretëror me Princin e Kurorës dhe Kryeministrin Mohammed bin Salman Al Saud, për ecurinë e bashkëpunimit mes dy vendeve dhe vizitën e tij në Shqipëri vitin e ardhshëm”, shkruan Rama.
Kryeministri Rama dhe delegacioni i tij u prit gjithashtu nga princi Mohammed bin Abdulrahman bin Abdulaziz, zëvendësguvernatori i Riadit.
