Kryetari i Partisë Demokratike, Lulzim Basha, e quajti “sulm rrugaçëror” komentin e kryeministrit shqiptar Edi Rama në drejtim të kryeministrit në detyrë të Kosovës, Ramush Haradinaj.
“Dënoj sulmin rrugaçëror të Edi Ramës kundër liderëve politikë të Kosovës dhe shpreh ndjesë në emër të çdo shqiptari për këtë akt të papranueshëm! Gjuha e urrejtjes ndaj institucioneve të Kosovës është akt i denjë vetëm për një peng të antishqiptarizmit si Edi Rama!”, ka shkruar Basha në Twitter.
Ai ka thënë se “Kosova është shtet i pavarur dhe Shqipëria ka detyrimin të promovojë dhe respektojë Pavarësinë e Kosovës dhe institucionet e saj”.
“Koha e vasalitetit të autokratit të korruptuar të Tiranës ndaj armiqve dhe kundërshtarëve të pavarësisë së Kosovës do të marrë fund shumë shpejt!”./ A2 CNN
