Trupi i një dy vjeçari që u zhduk pasi ra në një bunar në Costa del Sol të Spanjës katër ditë më parë, raportohet se është gjetur.
Mbetjet e Julen Rosello u zbuluan poshtë një bunari 20 metra të thellë, raportojnë mediat spanjolle.
Julen ra në bunar të dielën, përderisa ishte duke ecur larg prindërve të tij gjatë një vizite me prindërit e tij tek disa miq në Malaga, transmeton Gazeta Express.
Babai i fëmijës, tregoi për mediat spanjolle momentin e tmerrshëm kur pa djalin e tij duke rënë në bunar.
“Kushëriri im ishte më afër tij dhe u gjuajt në tokë sapo e pa duke rënë, por tashmë ai veçse kishte shkuar. E dëgjova duke qarë në fillim por më nuk e dëgjova”, tregoi ai.
- Advertisement -
