Qytetarët po luftojnë për të arritur të blejnë miell nëpër marketet e Kosovës, që nga marrja e masave në vend për shkak të virusit covid-19.
Ndonëse ministrja e Ekonomisë, Rozeta Hajdari, ka thënë të hënën se shteti ka rezerva të grurit e miellit, qytetarët e Kosovës për disa ditë me radhë po vazhdojnë të blejnë miell.
Një video që është shpërndarë në Facebook, shihet se në një market në Gjilan, qytetarët pothuajse përleshën mes vete për të arritur të marrin thasët me miell.
Masat e Qeverisë nuk prekin dyqanet që shesin produkte ushqimore dhe higjienike. Ato vazhdojnë të jenë të hapura.
