Në javët e fundit, Hannah Neeleman, e njohur në rrjete sociale si themeluesja e Ballerina Farm dhe shpesh e quajtur “mbretëresha e tradwives”, është kritikuar në TikTok për shitjen e qumështit të papasterizuar që prodhohej në fermën e saj në Utah.
Hannah, e cila ka mbi 10.5 milionë ndjekës në këtë platformë, është një nga shumë influencues që kanë kontribuar në popullarizimin e konsumimit të qumështit të papërpunuar.
Për ata që nuk janë të njohur me termin, qumështi i papasterizuar (raw milk) është qumësht që nuk i është nënshtruar procesit të ngrohjes për të eliminuar bakteret e rrezikshme dhe për të zgjatur afatin e përdorimit.
Megjithatë, sipas mediave lokale në Utah, Departamenti i Bujqësisë dhe Ushqimit gjeti dy raste ku niveli i baktereve koliforme – familja e baktereve ku bën pjesë edhe Escherichia coli – ishte mbi kufijtë e lejuar në qumështin e papasterizuar të shitur nga ferma e saj.
Si pasojë, Hannah dhe bashkëshorti i saj Daniel ndaluan shitjen e produkteve të papasterizuara nga dyqani Ballerina Farm Store në gusht të vitit 2025. Dy javë më parë, ata deklaruan në një video në TikTok – që arriti mbi 2.5 milionë shikime – se nuk kishin shitur kurrë produkte të pasigurta.
Megjithatë, ata tërhoqën një deklaratë të mëhershme ku kishin pretenduar se qumështi i papasterizuar ishte “100% i sigurt”, duke pranuar se: “Askush nuk mund të prodhojë diçka 100% të sigurt gjatë gjithë kohës. Kjo është e pamundur.”
Rritja e interesit për qumështin e pasterizuar
Megjithatë, Ballerina Farm nuk është e vetmja arsye e rritjes së interesit për këtë produkt. Sipas Farmers’ Weekly, interesi për qumështin e papasterizuar në Mbretërinë e Bashkuar filloi të rritej në mesin e viteve 2010. Shitjet u rritën nga rreth 610 mijë litra në vitin 2014 në rreth 3 milionë litra në vitin 2018.
@ballerinafarmstore There have been many questions about raw milk and our dairy. Hear from our founders, Hannah and Daniel Neeleman, as they answer your top questions. Head to the link in our bio to watch the full video.
Kjo ndodh pavarësisht se shitja e qumështit të papasterizuar në supermarkete dhe dyqane në United Kingdom është e ndaluar që nga viti 1985 në England, Wales dhe Northern Ireland, ndërsa në Scotland është plotësisht i paligjshëm.
Megjithatë, kjo nuk i ka ndalur influencuesit të promovojnë atë që ata e konsiderojnë si “përfitime” të qumështit të papërpunuar. Vetëm në TikTok ka mbi 40 mijë postime për këtë temë.
Disa influencues e krahasojnë qumështin e papasterizuar me qumështin e gjirit dhe pretendojnë se ai ndihmon tretjen, forcon imunitetin dhe ka efekt anti-inflamator. Dhe duket se shumë njerëz po i dëgjojnë këto pretendime.
Sipas të dhënave të kërkimeve në internet, kërkimet në Google për “raw milk” janë rritur vazhdimisht që nga viti 2022, me një rritje të ndjeshme në vitin 2025. Në të njëjtën kohë, kërkimet për “raw milk near me” në Britani janë rritur me rreth 40%.
Rreziqet shëndetësore të qumështit të pasterizuar
Ekspertët e sigurisë ushqimore theksojnë se procesi i pasterizimit është një nga masat më të rëndësishme për sigurinë e ushqimit.
Gjatë pasterizimit, qumështi zakonisht nxehet rreth 72°C për të paktën 15 sekonda dhe më pas ftohet shpejt. Ky proces shkatërron baktere të rrezikshme si Escherichia coli, Salmonella, Listeria dhe Campylobacter.
Këto baktere mund të gjenden natyrshëm në qumështin e papërpunuar dhe mund të shkaktojnë sëmundje serioze, sidomos tek fëmijët e vegjël, gratë shtatzëna, të moshuarit dhe personat me sistem imunitar të dobët.
Infeksioni me E. coli mund të shkaktojë diarre, dhimbje të forta abdominale, të vjella dhe në raste të rralla edhe dështim të rëndë të veshkave. Edhe infeksionet nga Salmonella apo Listeria mund të shkaktojnë ethe, të përziera, dhimbje koke dhe simptoma të tjera serioze. Bakteri Campylobacter është gjithashtu një nga shkaktarët më të shpeshtë të diarresë bakteriale.
Sipas mjekëve, në raste të caktuara konsumimi i qumështit të papasterizuar mund të çojë në helmim ushqimor, meningjit, abort spontan tek gratë shtatzëna dhe në situata ekstreme edhe në vdekje.
@avaaxe 🐄🐄Just a city girlllll hahahah this was such a fun experience tho I’ve been waiting to try raw milk #utah #ballerinafarm #rawmilk #a2 #proteinpowder #protein #parkcity #tastetest @Ballerina Farm @Ballerina Farm Store ♬ Sogni ancora – Piero Piccioni
Ekspertët theksojnë se pasterizimi u bë standard pikërisht sepse në të kaluarën njerëzit humbnin jetën nga qumështi i kontaminuar. Promovimi i qumështit të papasterizuar si një zgjedhje më e shëndetshme bie ndesh me më shumë se një shekull evidencë shkencore në shëndetin publik.
A ka përfitime ushqyese?
Nga ana ushqyese, diferencat mes qumështit të papasterizuar dhe atij të pasterizuar janë shumë të vogla. Qumështi i pasterizuar ruan përbërësit kryesorë si proteinat, kalciumin dhe vitaminat thelbësore.
Megjithëse disa mbështetës të qumështit të papërpunuar pretendojnë se pasterizimi shkatërron enzima apo lëndë ushqyese, studimet shkencore tregojnë se ndryshimet ushqyese janë minimale dhe nuk e justifikojnë rrezikun më të madh për shëndetin.
Për këtë arsye, në Mbretërinë e Bashkuar qumështi i papasterizuar nuk lejohet të shitet në supermarkete dhe mund të blihet vetëm drejtpërdrejt nga fermerët, gjithmonë me paralajmërime të qarta për rreziqet shëndetësore. /GazetaExpress/
