Asamblisti i Kuvendit Komunal të Skënderajt, Hysni Mehani, ka denoncuar një rast të rënd që po ndodh në Qendrën e Mjekësisë Familjare në Skënderaj, shkruan DrenicaPress
Sipas asamblistit të VV-së, radha e pacientëve duke pritur është e gjatë, ngase mungojnë dy mjek, dhe mjeku që është aty, nuk i pranon pacientët e dy mjekëve tjerë.
Lexojeni të plotë denoncimin e Hysni Mehanit:
Kjo është radha në QKMF. Paska filluar dixhitalizimi. Pacientët marrin udhëzime se tek cili doktor duhet të kontrollohen. Doktori askund ?♂️, e doktori që është në punë nuk ka të drejtë t’i kontrollojë pacientët e doktorit që mungon ?♀️. Tre doktorë figurojnë se janë në punë, në relaitet është veç një.
Duke pritur 1 orë e më shumë, në një ambjent të mbyllur, pacientë me sëmundje të ndryshme, rrezikojnë që në shtëpi të kthehen me një sëmundje shtesë në vend se të marrin trajtim për shërim. Thërras personat përgjegjës: paspak minutave shfaqet doktori i dytë, i treti vjen paspak minutave më thonë, u bënë dy orë po shkojmë drejt orës së tretë. Por kjo nuk është e tëra, në vazhdimësi një infermiere përkujdeset që të fus pacientët e saj të kontrollohen pa pritur rendin. Dhe, unë, dhe plot pacientë të tjerë bëjmë qytetarin e ndërgjegjshëm para një të pandërgjegjshmi. Pak më tutje rrëzohet një motër medicinale, shkaku: shtikllat 10cm. Mbath patika ose papuqe motër, këtu shërbehet nuk sfilohet.
Pas 2 orë e 20 minuta dal nga spitali, për një shërbim që në maksimum do duhej të merrte 20 minuta.
Njëzet vjet e një ditë çlirim. Kush do ta besonte?!
