Presidenti rus Vladimir Putin mbikëqyri personalisht këtë të martë stërvitjet ushtarake ruso-bjelloruse “Zapad-2025”, të cilat po zhvillohen në rajonin Nizhny Novgorod.
Kremlini tha përmes një deklarate për mediat se Putin mbërriti në poligonin e stërvitjes Mulino i veshur me një uniformë ushtarake pasi ai është gjithashtu komandanti suprem i ushtrisë ruse.
Duke iu drejtuar pjesëmarrësve, presidenti rus tha se qëllimi i stërvitjeve është të praktikohet mbrojtja e Shtetit të Unionit – një emër për aleancën midis Rusisë dhe Bjellorusisë – nga çdo agresion.
n.
“Qëllimi i këtij ushtrimi është të trajnojë të gjithë elementët e nevojshëm për mbrojtjen e pakushtëzuar të sovranitetit, integritetit territorial dhe mbrojtjes kundër çdo agresioni ndaj Shtetit të Unionit“, tha ai.
Shefi i Kremlinit po ashtu deklaroi se stërvitjet zhvillohen në 41 poligone, duke përfshirë 100.000 ushtarakë dhe rreth 10.000 njësi armësh dhe pajisje.
“Për më tepër, është e gjitha teknologji moderne e përdorur në operacionet praktike luftarake, dhe planet për këto ushtrime bazohen në përvojën e fituar gjatë operacioneve të posaçme ushtarake. Ekzistojnë rreth 10.000 modele të llojeve të ndryshme të pajisjeve, duke përfshirë 333 avionë – taktikë, strategjikë dhe aviacion transporti ushtarak“, tha ai.
Përveç kësaj, sipas Putin, më shumë se 247 anije, duke përfshirë anije sipërfaqësore, nëndetëse dhe anije mbështetëse, janë të angazhuara në stërvitje.
Sipas udhëheqësit rus, 25 delegacione të huaja morën pjesë në ushtrime, 16 prej tyre dërguan përfaqësues për të vëzhguar, ndërsa gjashtë dërguan kontingjente ushtarake për të marrë pjesë në stërvitje. (A2 Televizion)
