Në mesin e 214 kandidatëve që kanë arritur me sukses të kalojnë provimin me noter është edhe gruaja e kryetarit të Drenasit Ramiz Lladrovci, Shemsie Istogu-Lladrovci e cila ka siguruar 34 pikë, raporton GazetaBlic.
Përveç saj, provimin e noterisë e ka kaluar edhe reja e ish-komandantit të UÇK-së Jetullah Geci, Blerta Dobra, e cila ka siguruar në total 30 pikë.
Provimin e ka kaluar edhe nipi i Gani Gecit, Arben Geci nga Llausha e Skenderajt, që në total ka siguruar 27 pikë.
I përjashtuar nga lista e kandidatëve të suksesshëm nuk ka mbetur edhe djali i vëllait të drejtorit të KEK-ut, Njazi Thaçi, Faton Thaçi, i cili 27 pikë.
Pos dyshimeve për ndikim partiak në përzgjedhjen e kandidatëve të suksesshëm, në opinion kanë filluar të qarkullojnë zëra se janë paguar deri në 30 mijë euro për t’u bërë noter.
Këtë po e thotë edhe publicisti Mufail Bajqinovci, përmes një postimi në profilin e tij në rrjetin shoqëror në “Facebook”.
“Ministër Abelard Tahiri po qarkullojnë informacione se për t`u bërë noter po jepen deri në 30 mijë euro??!!”, ka shkruar ai.
Më poshtë e gjeni listën e plotë me emrat e kandidatëve që kanë kaluar provimin e noterisë.
/GazetaBlic
