Prokuroria Themelore në Prishtinë, Departamenti për Krime të Rënda, ka njoftuar se ka ngritur aktakuzë ndaj katër personave për veprën penale “Vrasje e rëndë”, lidhur me rastin e ndodhur më 26 mars 2024 në rrugën “Butrinti” në Prishtinë.
Sipas aktakuzës, të pandehurit, në bashkëkryerje, rreth orës 21:10 të asaj date, kanë privuar nga jeta dy persona, E.G. dhe Z.G., dhe me atë rast kanë vënë në rrezik jetën e personave të tjerë, duke vepruar me dashje dhe vetëdije, transmeton lajmi.net.
Prokuroria ka ngritur aktakuzë kundër L.H., i cili aktualisht ndodhet në masën e paraburgimit, si dhe kundër N.B., A.B. dhe K.G., të cilët janë në arrati dhe ndaj të cilëve aktakuza është ngritur në mungesë.
Sipas njoftimit, prokuroria ka ndërmarrë të gjitha veprimet e nevojshme për sigurimin e prezencës së tyre në procedurë, por të pandehurit vazhdojnë të qëndrojnë në arrati me qëllim shmangien e drejtësisë./lajmi.net/
- Advertisement -
