Bekim Baliqi, profesor në Universitetin e Prishtinës, ka ironizuar me Presidentin Hashim Thaçi, i cili po promovon librin, të cilin nuk e ka shkruar vetë.
“A nuk ka lezet, pa shkru liber e qe besa edhe pa e lexu, me dal neper bote me promovu. Jetë, o jetë!”, ka shkruar Baliqi.
Presidenti Hashim Thaçi është duke promovuar librin biografik të shkruar nga autorë britanikë, Roger Boyes dhe Suzy Jagger me titull “New State, Modern Statesman: Hashim Thaçi – A Biography”.
Presidenti Thaçi në Pressing të T7 kishte thënë se nuk e ka lexuar ende librin e autorëve britanikë.
Express ka raportuar se Shteti i Kosovës i ka gjysmë milioni euro borxhe avokatit Geoffrey Nice, i cili kishte bërë marrëveshje me Presidentin Thaçi, atëherë shefi i Qeverisë dhe i sulmuari kryesor nga Marty.
Për disa vjet, avokati anglez ishte angazhuar ta këshillonte Thaçin, kishte ndihmuar në krijimin e një materiali të nevojshëm kur Gjykata Speciale të jetësohej, si dhe e kishte ndihmuar në një pjesë të librit biografik të Presidentit, i cili u botua tash së fundmi me titullin “Shteti i ri – burrështetas modern”.
