Partisë Demokratike të Kosovës pritet ti bashkohet edhe një emër i njohur nga bota e biznesit.
Është ky Fadil Demiri i lindur në Syriganë të Skenderajt, që shquhet për të kaluarën e tij patriotike.
Fadil Demiri si oficer i karrierës, i diplomuar në Akademinë Ushtarake në Zagreb ka qenë i burgosur politik gjatë viteve të ’80, i dënuar nga regjimi jugosllav me 5 vite burg.
Pas vuajtjës së dënimit morri pjesë aktive në luftën e Kroacisë, si ushtarak i lartë kundër regjimit serb – për çfarë edhe vlerësohet nga shteti kroat edhe sot.
Gjatë viteve të ’90 u angazhua në mërgatën shqiptare dhe morri pjesë në organizimet dhe përgatitjet ushtarake për çlirimin e Kosovës. Ku së bashku me ushtarak të organizuar nga mërgata në vitin 1998 iu bashkuan Ushtrisë Çlirimtare të Kosovës dhe veproi në Zonën Operative të Pashtrikut. Kontributi i tij në luftën e Kosharës ishte jashtëzakonisht i rëndësishëm bazuar në përvojën e tij ushtarake.
Pas luftës çlirimtare Fadil Demiri u kthye në Prishtinë për të jetuar së bashku me familjën e tij, dhe filloi karrierën e tij prej afaristi në fushën e inxhinierisë.
Si duket, tash së shpejti pritet edhe aktivizimi i tij politik duke iu bashkuar bashkëluftëtarit të tij Kadri Veseli për Fillimin e Ri.
