Prishtina ka arritur që të shënojë fitore të ngushtë në përballje me Vushtrrinë në ndeshjen e parë gjysmëfinale të Digitalb Kupës së Kosovës.
Prishtina e fitoi ndeshjen me rezultat 1-0 dhe finalisti do të vendoset në ndeshjen kthyese në Vushtrri.
Vushtrriasit e nisën takimin më mirë duke tentuar portën me Jetmir Topallin dhe Labinot Osmanin.
Prishtina ka shënuar që në rastin e parë. Basid Khalid shfrytëzoi në maksimum harkimin e Drasko Bozovic, duke shënuar për 1-0.
Ky gol e liroi Prishtinën që vazhdoi me raste në pjesën e parë me Debatik Currin dhe Arbër Hoxhën.
Hoxha rrezikoi disa herë edhe në pjesën e dytë, por nuk arriti ta gjej portën.
Ndeshja kthyese zhvillohet pas dy jave në stadiumin ‘Ferki Aliu’ në Vushtrri. /Telegrafi/
- Advertisement -
