Prishtina është ndalur me barazim pa gola nga Drenica, në ndeshjen e mbetur të xhiros së tetë, dhe si pasojë tani ngel gjashtë pikë prapa liderit të Ipko Superligës, Ballkanit.
Prishtina barazoi 0:0 me Drenicën të mërkurën në stadiumin Fadil Vokrri në Prishtinë, duke e lëshuar mundësinë t’i afrohet kreut, raporton Gazeta Express.
Prishtina ndalet nga Drenica dhe ngel gjashtë pikë prapa liderit.
Prishtina është ndalur me barazim pa gola nga Drenica, në ndeshjen e mbetur të xhiros së tetë, dhe si pasojë tani ngel gjashtë pikë prapa liderit të Ipko Superligës, Ballkanit.
Prishtina barazoi 0:0 me Drenicën të mërkurën në stadiumin Fadil Vokrri në Prishtinë, duke e lëshuar mundësinë t’i afrohet kreut, raporton Gazeta Express.
Kjo ndeshje ishte e mbetur nga xhiroja e tetë, për shkak se bardhekaltrit u detyruan të mos luanin në Fadil Vokrri për ta ruajtur fushën nga dëmtimi për ndeshjen e Kombëtares së Kosovës kundër Malit të Zi në fillimjavë.
Gjithsesi, bardhekaltrit i priten kuqezinjtë sonte në një ndeshje që la shumë për të dëshiruar dhe me pak raste, përkundër se u prit nga skuadra e Armend Dallkut të reagojë pozitivisht pas humbjes kundër Ballkanit në ndeshjen e kaluar.
Prishtina kishte më kërkuese dhe pati disa raste, por i mungoi finalizimi që i kushtoi me humbjen e dy pikëve.
Kryeqytetasit tani grumbullojnë 14 pikë në pozitën e 6-të, gjashtë më pak se lideri, Ballkani, nga i cili humbi një javë më parë.
Drenica, ndërkohë, mbledh 10 pikë në pozitën e 8-të, vetëm një më shumë se zona që dërgon një nivel më poshtë: Ligën e Parë.
Prishtina i shkon Ferizajt në fundjavë, ndërsa klubi nga Skenderaj luan në udhëtim me Flamurtarin. /Gazeta Express/
