Presidenti i Kosovës Hashim Thaçi e ka nisur sot ditën duke pirë kafe me të rinjtë e Partisë Demokratike të Kosovës.
Thaçi është takuar me kryetarin e Rinisë së Parisë Demokratike të Kosovës, Donjet Bislimi, së bashku me anëtarët e rinj të tjerë, njofton Klan Kosova.
”Kafja e mëngjesit me presidentin”, shkroi Bislimi në facebook, mesazh të cilin e shoqëroi edhe me këtë fotografi.
Në lidhje me këtë takim ka folur për klankosova.tv Donjet Bislimi, i cili tha se ”ky ishte vetëm një takim i rastit me presidentin Hashim Thaçi”.
Së bashku me të tjerët, Thaçi e Bislimi janë parë të kenë bërë simbolin e dikurshëm të partisë.
Hashim Thaçi drejtoi Partinë Demokratike të Kosovës që nga themelimi i saj në vitin 1999 e deri më 2016 kur u zgjodh dhe President i Republikës së Kosovës, post të cilin e mban edhe aktualisht, njofton Klan Kosova.
