Presidenti i vendit, Hashim Thaçi në një konferencë per media ka atakuar vendimin e Qeverisë.
Ai tha se kryeministri Kurti ka shkelur në mënyrë flagrante Kushtetutën e Kosovës.
“Vendimi për kufizimin e lëvizjes së lirë të qytetarëve është bërë në kundërshtim me Kushtetutën. Kufizimi i lirisë së lëvizjes bëhet vetëm atëherë kur bëhet shpallja e gjendjes së jashtëzakonshme”, tha Thaçi, raporton Gazeta Blic.
Ai tha se si garantues i Kushtetutës, nuk do të lejoj që asnjë institucion të shkel aktin më të lartë juridik të vendit.
Sipas tij, Kurti me këtë vendim ka shkelur një mori nenesh të Kushtetutës së Kosovës.
