Premtimet e Lladrovcit mbeten për mandatin tjetër
Kryetari i ri i Komunës së Drenasit, Ramiz Lladrovci, nuk do mund t’i realizojë të gjitha premtimet për investime që i ka bërë gjatë fushatës për zgjedhje të jashtëzakonshme për këtë Komunë. Shumë premtime do të mundë të realizohen, nëse fiton një mandat tjetër për ta drejtuar Komunën e Drenasit në zgjedhjet e përgjithshme lokale që parashihen të mbahen në fund të vitit 2017.
Lladrovci: Premtimet e mia për këtë mandat dhe tjetrin
Megjithatë, kryetari i sapo zgjedhur i Drenasit, Ramiz Lladrovci, në një prononcim për Gazetën “Zëri”, është shprehur i sigurt në realizimin e gjitha premtimeve të tij.
“Kur kam parashtruar vizionin tim dhe projektet kapitale, i kam trajtuar brenda këtij mandati të cunguar dhe mandatin tjetër të plotë. Brenda këtyre mandateve do ta mbyll çështjen e infrastrukturës dhe disa çështje urgjente. Është e kuptueshme se të gjitha premtimet do t’i realizoj”, ka thënë ai.
Lexo edheAksionari i “Ferronikelit” arrestohet me dyshimin për korrupsion
