E ngarkuara me punë e Ambasadës së Shteteve të Bashkuara në Kosovë, Anu Prattipati, ka zhvilluar një takim me ministren e Ekonomisë, Artane Rizvanolli, ku në fokus ishte zgjerimi i bashkëpunimit në sektorët e energjisë dhe minierave.
Sipas njoftimit të Ambasadës Amerikane, gjatë këtij takimi u diskutuan mundësitë për thellimin e partneritetit ndërmjet Shteteve të Bashkuara dhe Kosovës, me theks të veçantë në zhvillimin e projekteve energjetike dhe shfrytëzimin e resurseve minerare, shkruan IndeksOnline.
Prattipati theksoi angazhimin e Ambasadës për të krijuar mundësi të reja për bizneset amerikane që synojnë të operojnë në Kosovë, veçanërisht në sektorët strategjikë si gazi natyror i lëngshëmm, si dhe minierat.
Ajo gjithashtu nënvizoi rëndësinë e bashkëpunimit të vazhdueshëm ekonomik, duke shtuar se partneriteti në këto fusha pritet të kontribuojë në rritjen e prosperitetit të ndërsjellë mes dy vendeve.
Chargé d’affaires Anu Prattipati met Minister Artane Rizvanolli to discuss expanding U.S.–Kosovo energy and mining opportunities. She reinforced the Embassy’s commitment to creating opportunities for U.S. businesses, especially those operating in the LNG and mining sectors. We… pic.twitter.com/k5s1i5kGpW
— U.S. Embassy Pristina (@USEmbPristina) March 27, 2026
